تاریخ انتشار: ۱۰:۲۶ ۱۴۰۲/۶/۱۶ | کد خبر: 173940 | منبع: |
پرینت
![]() |
سه تن از اعضای یک «گروه تروریستی» که از افغانستان به کشور تاجیکستان نفوذ کرده بودند، کشته شدند.
خبرگزاری رسمی خاور به نقل از کمیته دولتی امنیت ملی تاجیکستان گزارش داده است که «سه عضو یک سازمان تروریستی در شب ۲۹ تا ۳۰ آگست، از خاک افغانستان وارد تاجیکستان شدند و به سمت روستای کیورون حرکت کردند تا در آستانه روز استقلال تاجیکستان دست به یک اقدام تروریستی بزنند».
این خبرگزاری افزوده که: «این سه نفر دیروز، ۵ سپتامبر پس از آنکه از تسلیم شدن سرباز زدند، از بین رفتند».
به گفته منابع تاجیکستان این سه مرد شهروندان تاجیکستان و از اعضای گروه جماعت انصارالله بودند، یک گروه جهادی متشکل از تاجیکهای تاجیکستان که گفته میشود با گروه حرکت اسلامی ازبکستان و شبکه القاعده مرتبط است.
در حادثهای مشابه در اواخر آوریل، سرویسهای امنیتی تاجیکستان از کشته شدن دو «تروریست» که از خاک افغانستان وارد این کشور شده بودند، خبر دادند.
به گزارش بی بی سی، کمیته دولتی امنیت ملی تاجیکستان گفت که آنها نیز اعضای گروه جماعت انصاراالله بودند.
تاجیکستان از زمان استقلال خود در سال ۱۹۹۱ با چندین گروه اسلامگرای ستیزهجو مواجه بوده است و مقامات این کشور نگرانند که بازگشت طالبان به افغانستان باعث بی ثباتی آسیای مرکزی شود.
از میان پنج کشور آسیای مرکزی که زمانی بخشی از اتحاد جماهیر شوروی بودند، تاجیکستان شدیدترین موضع را در برابر طالبان اتخاذ کرده است.
این کشور همچنین گشتزنیهای مرزی خود را در طول ۱۳۰۰ کیلو متر مرز مشترک با افغانستان تقویت کرده است.
کد (9)
>>> توجه.
من هرسه نفرراازنزدیک میشناختم،اینها عضوجماعت احمق اله یک گروه جاهلی متشکل ازاحمقان تاجکستان بودند که گفته میشود باگروه وحشت شیطانی ازبکستان وشبکه الاحماقه ارتباط داشتند.
عاقل
>>> هر نوع ترحم براین وایرس ها خود جنایت است.
آتش خاوری
مهلت ارسال نظر برای این مطلب تمام شده است